Composers of Wales Newsletter
"NYBBW has helped to create some amazing players"
The British Bandsman
Arweinydd 2012 : Dr Nicholas Childs
Ffurfiwyd Band Pres Cenedlaethol Ieuenctid Cymru, dan arweiniad ei gyfarwyddwr cerdd cyntaf a’r llywydd presennol, Edward Gregson, ym 1982 gan Ffederasiwn Cerddoriaeth Amatur Cymru, sy’n parhau i ddarparu cefnogaeth weinyddol a nawdd fel partner yng Nghelfyddydau Cenedlaethol Ieuenctid Cymru. Daw aelodau Band Pres Cenedlaethol Ieuenctid Cymru (BPCIC) o bob cwr o Gymru a byddant yn cael clyweliadau neu ailglyweliadau bob blwyddyn. Erbyn hyn, mae nifer fawr o’r cyn-aelodau yn enwog fel unawdwyr, arweinwyr neu fel perfformwyr gyda bandiau neu gerddorfeydd mwyaf blaenllaw Prydain.
Ers y cyngerdd agoriadol yn Neuadd y Brangwyn, Abertawe, daeth Band Pres Cenedlaethol Ieuenctid Cymru yn enwog am berfformio gweithiau cyfoes. Comisiynodd y Band weithiau cerddorol gan nifer o gyfansoddwyr, ac yn eu plith Alun Hoddinott (8fed Symffoni), Mervyn Burtch, Christopher Painter, John Phillips, John Pickard (Symffoni Gaia), Peter Graham, Nigel Clarke a Martin Ellerby.
Gofynion Mynediad
- Derbynnir ymgeiswyr i'w clyweld ar ôl derbyn cymeradwyaeth gan Bennaeth Gwasanaeth Cerdd eu sir (neu eig/chynrychiolydd neu gywerth) a disgwylir iddynt gefnogi gweithgaredd cerddorol yn yr ysgol/coleg ac ar lefel sirol. Os nad oes gweithgaredd sirol, gall y Pennaeth Adran yn yr ysgol neu goleg gefnogi ceisiadau i ddechrau.
- Dylai ymgeiswyr fel arfer fod o safon Gradd VIII er nad oes angen iddynt fod wedi sefyll yr arholiad.
- Dylai ymgeiswyr fod rhwng 12 ac 21 mlwydd oed (neu 22, os ydynt mewn addysg lawn-amser o hyd) ar 31ain Awst 2012.
- Rhaid i chwaraewyr fod ar gael ar gyfer holl ddyddiadau'r cwrs a'r cyngherddau. Gwnewch yn siŵr y byddwch ar gael cyn ymgeisio.
Cwrs Preswyl a Thaith Gyngherddau 2012
Bydd BPCIC yn cwrdd am ei gwrs preswyl blynyddol yn ystod gwyliau'r haf. Yn ystod yr wythnos bydd y chwaraewyr yn cael eu tiwtora'n arbenigol gan dîm o diwtoriaid profiadol yn arwain gan Dr Nicholas Childs. Yn ogystal â cherddori, bydd aelodau'r band yn mwynhau rhaglen fywiog o adloniant fydd yn cael ei rhedeg gan y staff bugeiliol. Bydd y gweithgareddau fel arfer yn cynnwys chwaraeon megis nofio, pêl-droed a rownderi, a digwyddiadau gyda'r nos megis cwis, nosweithiau talent a llawer mwy. Daw'r wythnos i ben â pherfformiadau ym MusicFest Aberystwyth ac Eglwys Gadeiriol Llandaf.
Arweinydd: Dr Nicholas Childs
Preswyl: 22 - 28 Gorffennaf 2012 Coleg Malvern, Great Malvern
Cyngherddau:
27 Gorffennaf, Canolfan Celfyddydau Aberystwyth (Aberystwyth MusicFest)
28 Gorffennaf, Eglwys Gadeiriol Llandaf, Caerdydd
Cysylltwch â
Matthew Thistlewood yn Nh ŷ Cerdd 029 2063 5650 nybbw@tycerdd.info
Am fwy o wybodaeth am BPCIC 2012 a ffurflenni cais, cliciwch yma