Ffeithiau nad ydych efallai'n eu gwybod amdanom ni:
- Y Côr oedd y "cyfeiliant" ar CD Katherine Jenkins Second Nature.
- Gyda'r Gerddorfa y cafodd John Cale o'r Velvet Underground, y cyfansoddwr Cymreig o fri Karl Jenkins a'r fiolinydd gyda Bond, Eos Chater, beth o'u hyfforddiant cynnar.
- Roedd aelodau Band Pres Cenedlaethol Ieuenctid Cymru yn "ddyblwyr chwarae" i'r actorion Ewan McGregor a Tara Fitzgerald yn y ffilm Brassed Off.
- Lansiwyd Dawns Genedlaethol Ieuenctid Cymru mewn gardd - i fod yn fanwl gywir, Gardd Fotaneg Genedlaethol Cymru, Caerfyrddin
- Derbyniodd cyn-aelodau ThCIC alwadau gan Dr Who yn ystod y ffilmio diweddar yng Nghaerdydd, gan gynnwys Eve Myles (Gwyneth ym Mhennod 3 The Unquiet Dead) a Kate Borde (tîm cynhyrchu).
Beth yw'r lleoliad mwyaf rydym wedi chwarae ynddo erioed?
Ymddangosiad Cerddorfa Genedlaethol Ieuenctid Cymru yn y National Concert Hall, Belfast.
Beth oedd y lleoliad lleiaf tebygol?
Y Cantîn yn Llyfrgell Genedlaethol Cymru, Aberystwyth a ddaeth yn gefndir i gynhyrchiad Theatr Cenedlaethol Ieuenctid Cymru o Ffawst.
Beth yw'r lleoliad lleiaf rydym wedi chwarae ynddo erioed?
Eglwys y Santes Anne yn Ynyshir, Rhondda, lle y canodd Côr Cenedlaethol Ieuenctid Cymru i Archesgob Caergaint, Dr Rowan Williams, ymhlith eraill.
Pa ofynion rhyfedd a wnaed ar y tîm cynhyrchu gan arweinyddion a chyfarwyddwyr?
- Roedd carwsel bagiau maes awyr yn rhan o'r set ar gyfer cynhyrchiad ThCIC 2002 o Woyzeck.
- Roedd angen dau ddwsin o barrau o glocsiau ar gyfer cyflwyniad cyntaf y Gerddorfa o waith newydd gan Karl Jenkins Golygfeydd o Gymru.
- Roedd ar BPCIC angen cloch bres 14 troedfedd o uchder - ynghyd ag ysgol - ar gyfer cyngerdd yn Neuadd Dewi Sant.
A phwy yw ein cynulleidfa?
Mae'r cynulleidfaoedd wedi amrywio o 1.8 miliwn (trwy ymddangosiadau blynyddol y Côr ar Morning Service ar Radio 4) i lai na 100 ar gyfer cyngerdd arbennig yn Ynyshir gydag Archesgob Caergaint.
Rheolir Celfyddydau Cenedlaethol Ieuenctid Cymru (CCIC) gan CBAC a Tŷ Cerdd - Music Centre Wales. Mae CBAC yn gofalu am y rhaglenni Dawns Ieuenctid, Cerddorfa Ieuenctid a Theatr Ieuenctid Cenedlaethol, a Tŷ Cerdd sy'n gyfrifol am Fand Pres Ieuenctid, Côr Ieuenctid, Jazz Ieuenctid, Band Pres Symffonig a Cherddorfa Chwyth Ieuenctid.